O niño da curuxa

The fantastic flying books of Mr. Morris Lessmore

2012-01-29T01:19:00.000-08:00

A través de "Trafegando Ronseis" coñecemos esta fermosísima curta de animación. Preparádevos para ver unha marabilla.

Exposición en Primeiro

2012-01-27T14:09:00.000-08:00

Se non vos pasastes por alí, deberíades probalo: en primeiro prepararon unha exposición moi completa sobre os Sacapenas e a súa país de orixe, Guatemala. Para preparar o día da Paz non hai mellor oportunidade. Aquí tedes un adianto:

Todos podemos crear beleza

2012-01-24T12:41:00.000-08:00

Ás veces pensamos que unha persoa "discapacitada" non pode chegar a facer cousas tan fermosas como esta... Apreciemos a beleza da danza, e do esforzo dos demais, agora que xa sabemos o que custa...

Xaneiro, mes da Paz

2012-01-16T07:17:00.000-08:00

Cando temos medo, desconfiamos dos demais, e con frecuencia afastámonos e chegamos á incomunicación. A incomunicación produce malos entendidos co compañeiro, co amigo, co viciño... E a partir de aí medran os conflitos. Por desgraza, o mundo está cheo deles, e hai moitos escritores que se ocuparon de contalos. Na nosa biblioteca poderás atopar unha selección de títulos sobre o tema:

Por isto, se queremos superar os medos que nos afastan dos demais, debemos primeiro coñecelos e despois buscar a forma de vencelos. Hai moitas obras de todos os xéneros que poden axudarnos, con humor ou con tenrura. Aquí tés unha pequena selección.

E viñeron os Reis... Magos!

2012-01-09T12:43:00.001-08:00

Deberon deixar ben cansadiños aos seus camelos, porque deixaron a biblioteca ben nutrida:

Agora hai que coidar de todo o que nos deixaron, para que nos dure moito tempo.

E por se isto fose pouco, mirade que sorpresa!

Balbina tamén mandou o seu agasallo, asinado e todo! Grazas, raíña!

O adeus a un mestre

2012-01-05T02:23:00.001-08:00

Esta mañá, ás 8.30 faleceu na Coruña Isaac Díaz Pardo. Son moitos os termos que o definen: "artista plástico" , "galeguista", "intelectual",... Pero é moito máis; é unha parte da nosa historia, da nosa cultura, da nosa memoria, e queremos lembralo como viviu: como un home cheo de inquedanzas, de lembranzas e de sabedoría, e sobre todo un home bó.

Podemos aprender del a través do seu traballo, nas enciclopedias, e máis que nada, escoitándoo e escoitando o que del falaban os demais:

Probablemente, un dos seus maiores legados fose o laboratorio de formas de Sargadelos, recupernado a antiga fábrica, proxecto tristemente malogrado nos seus últimos anos, tal como o propio Isaac recoñecía.

Hoxe fóisenos o home e quedounos a súa herdanza.

Descansa en paz, Isaac.

Para os Reis Magos

2011-12-28T02:37:00.001-08:00

Para completar a carta aos Reis Magos, nada mellor ca un libro:

Open publication - Free publishing - More agasallos

Os gañadores do AKIKEDEI

2011-12-20T12:58:00.000-08:00

Os gañadores merecen un lugar de honra, pola súa destreza e a súa adicación. Por iso tamén queremos amosar aquí estes dous marcapáxinas.
O da Aula Específica, elaborado por Borja, Diego, Maribel e Estrela:

E o de Carmen, que ademáis de ofrecer o seu marcapáxinas, plastificou e recortou toooooooodos os marcapáxinas que levamos para casa. Grazas, Carmen. Que sería de nos sen ti e sen a túa ilusión!

Postais de Nadal

2011-12-20T05:25:00.000-08:00

Desde a Coordinadora Galega de Equipos de Normalizacióne Dinamización Lingüística chéganos este feixe de postais de Nadal. Por se queredes reenviar, imprimir, copiar,... felicitar en galego.
Só tedes que facer clic na postal de Alejandra.

Akikedei

2011-12-19T07:20:00.000-08:00

Despois do éxito deste concurso quedamos con gañas de ver máis traballos dos nosos artistas.
Empezamos polos pequerrechos:

E aquí veñen os de 5 anos:

Mirade que ben quedaron os de 1º:

E os de 2º:

Os de 3º esmeráronse ben:

E tamén os de 4º:

Que me decides dos de 5º?

E para pechar o desfile, os de 6º:

Lemos no Niño

2011-12-14T07:20:00.000-08:00

Open publication - Free publishing - More familias

Aínda que no curso pasado o "Clube de Lectura" foi algo cativo e "virtual", queremos retomar o vello costume de vernos as caras, convidando a máis familias a participar do pracer da lectura. Aproveitemos a oportunidade para achegarnos ás lecturas dos nosos fillos e fillas, e para disfrutar nós, tamén, lendo.

Lecturas sobre o Inverno e o Nadal

2011-12-12T06:45:00.000-08:00

Para estes días nos que se vai quentando o ambiente de Nadal dispoñedes na biblioteca dunha selección de lecturas, películas e música que tratan o tema desde moitos puntos de vista: a tradición, o inverno, o xogo, os agasallos,as aventuras... Contos clásicos e modernos para ler so ou en grupo; películas sobre a tradición e músicas sobre todos os meses do ano. Para grandes, medianos e maiores. Pásate pola biblioteca.

10 de decembro, "Día dos Dereitos Humanos"

2011-12-10T04:16:00.000-08:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

2011-11-27T10:50:00.000-08:00

As novas tecnoloxías están ben ... pero non debemos esquecer que son unicamente FERRAMENTAS. Pasamos máis dun mes sin internet en varias aulas por culpa dunha avería provocada polos temporais, as tormentas... e o técnico chegou antonte e deixouno amañado... A ver por canto tempo. Ben cadra que nós non funcionamos con cables, que se non os alumnos íana ter clara. Botádelle un ollo a este video. E recordade que o factor HUMANO é fundamental na educación.

Máis "FRIK" que o coordinador TIC

Creatividade

2011-11-17T08:46:00.000-08:00

Ás veces chégannos videos que nos fan darlle voltas ao que estamos facendo e como o estamos facendo...
Este procede dunha empresa de comunicación que se queixa de que os seus clientes lles piden cada vez máis traballo en menos tempo. "Como podemos facerlles enteder que para conseguir ideas novas e efectivas necesitamos máis tempo?. Enviámoslles esta película para amosarlles como funciona a creatividade".
O resto, podedes deducilo, aínda que non entendades o inglés.

O video remata dicindo: "A creatividade non está inspirada pola presión do tempo, senón pola liberdade, o disfrute e a diversión".

Visitando outras bibliotecas

2011-11-16T11:40:00.000-08:00

Durante o pasado Congreso BET (Bibliotecas Escolares en Tránsito) proxectouse un video sobre as bibliotecas galegas realizado pola Consellería de Educación. Sírvenos de faro para marcarnos onde queremos chegar; as nosas irmás maiores, con máis experiencia, amósannos o camiño:

Biibliotecas Escolares en Tránsito [GAL] from Bibliotecas Escolares de Galicia on Vimeo.

Bibliotecas Escolares en Tránsito

2011-11-13T04:31:00.001-08:00

Dende o xoves 10 ata o sábado 12 desenvolveuse no Pazo de Congresos de Santiago o congreso "Bibliotecas Escolares en Tránsito", no que o noso centro participou na modalidade "Encontros".

Rematado o intenso traballo desenvolvido alí so nos queda agradecer a elevada calidade dos relatorios aos que asistimos; non hai máis que botar unha ollada á lista dos relatores para percibir que a formación foi dun nivel extraordinario.

Despois da insólita

inauguración de Constanza Mekis disfrutamos da comunicación de Javier Celaya, que tivo a habilidade de abrir unha xaneliña cara ao que vai vir nos próximos meses, sen deixar de facer unha reflexión crítica,

e advertirnos da necesidade de que nós, como mestres, dotemos ao noso alumnado das ferramentas para ser tamén eles cidadáns críticos.

"A biblioteca é máis unha actividade que un espazo", dixo Cassany, e seguramente é esa a máxima que debemos aplicar no noso traballo.

Reflexionamos con Jaume Carbonell, director de Cuadernos de Pedagogía, sabendo que non podemos centrar o noso traballo nas tic: elas son a imprenta de Freinet actualizada. Usar esta moderna imprenta non nos debe facer esquecer a PEDAGOXÍA.

A realidade é a que é e non vai servir de nada ignorala; debemos atopar o punto de equilibrio para facilitar a aprendizaxe dos nosos nenos, os que serán actores do futuro, e preparalos para ese mundo tendo en conta a forma na que eles XA acceden á información, e transformar estas habilidades nun xeito de chegar ao coñecemento, sendo reflexivos e críticos.

Grazas, María Dolores

2011-09-10T02:14:00.000-07:00

Hoxe abrin o correo agardando novidades e non malas novas, como a que atopei. Falta María Dolores, unha das almas do proxecto "Salvando Libros", do que tedes a entrada máis abaixo. Non a coñecía persoalmente, non sei poñerlle cara. Pero si coñezo o seu traballo, e o cariño co que a envolvían todos os comentarios das nosas compañeiras do PLAMBE. María Dolores preparaba, como todos nós, este novo curso no seu Instituto, o Luís Seoane de Pontevedra. Conta a familia que un dos seus derradeiros paseos foi a carón do río, buscando fotos para acompañar unha nova idea para a biblioteca.

Ese seu espíritu queda tamén no noso Niño. Desde este curruncho da Costa da Morte agradecemos a súa xenerosidade, e queremos acompañar o noso pranto dun poema de Marica Campo.

Cando digan que fun e non estea,

cando a terra por min o ventre abra,

quen quixere pregar alce a palabra

que tiven eu na boca, e non a allea.

Non me deixen vagar nesta estadea

que co medo e a noite a mente labra,

non me neguen, por Deus, o abracadabra

para saír da cova a onde clarea.

Déixoo dito aquí coa sinatura,

humildemente o digo, mais reclamo

que non me cuspan sobre a sepultura:

Prefiro do silencio o simple ramo

sobre a pedra calada, fría e dura

se non rezan por min na lingua que amo.

2011-06-07T11:00:00.000-07:00

Por fin! A revista "O Muíño Vello" xa está á vosa disposición aquí. A versión en papel darásevos dentro duns días. (Hai moitos lotes que facer e moitos folios que grapar...) Paciencia!

A vantaxe que nos dá a curuxa ó deixarnos poñela no seu niño, é que podemos vela todas cantas veces queiramos, que non se mancha, non rompe, non fai ruido ó pasar as follas...

Na do próximo curso, haberá que poñer moitas fotos do cole, (que estará noviño de todo) e moitos contos, e seguro que informaremos outra vez das moitas cousas que faremos.

Estámoslle agradecidos á curuxa por facernos un sitio.

O Muíño Vello 2011

2011-06-07T10:52:00.000-07:00

Open publication - Free publishing - More escolar

A insoportable levedade das bibliotecas escolares galegas

2011-05-31T00:42:00.000-07:00

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

LINGUA MINORITARIA

2011-05-19T00:46:00.000-07:00

SALVAMOS LIBROS

2011-05-16T10:18:00.000-07:00

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Open publication - Free publishing - More biblioteca

Esta é a escolma de libros que representan aos centros de Educación Primaria

Open publication - Free publishing - More biblioteca

Esta é a escolma de libros que representan aos centros de Educación Secundaria

Open publication - Free publishing - More carteles

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

Día do Libro Infantil e Xuvenil

2011-03-28T06:38:00.000-07:00

Todos os anos celebramos o 2 de abril o "Día Internacional do Libro Infantil e xuvenil" , en conmemoración da data de nacemento de Hans Christian Andersen. Os seus contos son clásicos da literatura infantil: "O patiño feo", "A sereíña", "O soldadiño de chumbo", "A vendedora de mistos", "O traxe novo do rei",... Moitos destes títulos pódense atopar na nosa biblioteca.

Ademáis, é un día para conmemorar a literatura que fala do mundo aos nenos. Cada ano a Organización Internacional do Libro Infantil escolle un autor e un ilustrador para que nos acheguen á Literatura Infantil. Tedes máis información no blog de GALIX. A nosa biblioteca únese a esta celebración cunha exposición de exemplares de Hans Christian Andersen, para volver disfrutar do máis clásico da literatura infatil: os contos.

Agora que todo rematou...

2011-03-13T04:41:00.000-07:00

Este é o momento de lembrar, con morriña, a festa do Entroido. É o comezo dunha nova etapa antes de entrar na porta da Pascua. Por que nos gusta o Entroido?

Preparando o Entroido

2011-03-03T14:54:00.000-08:00

Esta semana estivemos preparando o Entroido, buscando roupa, complementos, pinturas, máscaras... e facendo acopio de bó humor. Damos un paseo polo cole?

Kalandraka contou contos

2011-02-16T14:46:00.000-08:00

De novo recibimos a visita dos nosos amigos da fábrica dos libros de Kalandraka. Desta volta, Patricia e Álex fixeron que pasáramos unha hora divertidísima!

PARA SABER MÁIS

2011-02-13T12:18:00.000-08:00

Aquí tedes unha selección das novidades que temos na biblioteca para aprender sobre as mascotas.

Podedes atopar desde diccionarios de imaxes ata unha divertida historia sobre unha señora moi fina e a súa mascota, un "encantador" crocodilo. Tamén hai libros sobre vacas e sobre os nosos cans favoritos (incluíndo o noso "supercán de palleiro"). Podedes aprender no "Animalario" as características fundamentais dos teus animais favoritos, ou explorar o interior da rá ou do can cos libros de "A Nosa Terra".

Se eles saben ser amigos, por que nós non?

2011-02-13T11:54:00.000-08:00

Agora que estamos disfrutando do mes da amizade, este video que nos chega desde o foro do PLAMBE é moi oportuno. Dous mamíferos, un golfiño e un can, exemplo de amizade.

Para pintar con acuarela

2011-01-23T11:28:00.000-08:00

Seguindo o exemplo da canción, poñémonos á tarefa... Pero... por onde empezar? Sinxelas receitas para pintar con acuarela...

Por se queredes ir botándolle unha ollada aos resultados... E quedan máis!

Acuarela

2011-01-10T12:36:00.000-08:00

Para ir abrindo boca... Disfrutade:

Novidades na biblioteca

2011-01-10T11:40:00.000-08:00

Para os que nos gustan as ciencias, hai moitas posibilidades de aprender sobre o mundo que nos rodea. Acaban de entrar nos nosos andeis dúas coleccións moi interesantes:

"Pregúntalle á Dr. Peteiro": A doutora Peteiro é unha ave moi voluntariosa, que abre consulta para axudar a todo canto bicho vivinte

teña problemas. Vexamos o seu anuncio:

Unha pobre miñoca escribe ao seu consultorio:

"Querida Dra. Peteiro:

Son nunha lombriga que está deprimida. Por que? Ben, bótame un ollo. Son simpleemnte un tubo con moi

tos segmentos. Non teño nin ollos, nin ás, nin antena

s, nin patas. Por que teño un corpo tan aburrido?

Polos chans.

Que lle contestará a doutora? Se queredes averigualo, buscade no seu libro "Sobre os bichiños".

E se o que vos gusta é construir e desenvolver proxectos, por que non probades coa colección "Queremos saber"? Aquí tedes unha mostra de como facer un planetario no voso propio

cuarto! Atoparalo no libro "Sistema solar"

Podemos pedirlles aos Reis...

2010-12-21T05:43:00.000-08:00

Open publication - Free publishing - More biblioteca

Como fomos moi bós e portámonos ben, podemos pedirlles aos Reis as cousas que máis nos gustan. A Curuxa recomenda libros para tooooooooodos.

Open publication - Free publishing - More libros

PREMIO ÁS BOAS PRÁCTICAS

2010-12-15T14:08:00.000-08:00

Podedes consultar aquí o documento que presentamos ao Ministerio. Por se é do voso interese...

NON NOS TOCOU NADA

2010-12-15T13:49:00.001-08:00

Novidade no Nove

2010-12-12T03:12:00.001-08:00

Os mapas e bibliografía adicada á xeografía están no apartado 9 da biblioteca. Acabamos de catalogar este mapa magnético. Cada país está representado por un símbolo (un monumento, un animal característico,...). Levantando a peza de cada país descubres o continente... Os océanos e mares tamén están representados con ilustracións... Todo un mundo por descubrir. Atrevémonos a viaxar por el?

Podes atopalo na biblioteca. Lembra que se pode prestar temporalmente ás aulas. O seu número de rexistro é 7060.

Lecturas de Nadal

2010-12-11T11:56:00.001-08:00

Xa chega o Nadal. Temos o cole adornado con motivos navideños: os bonecos de neve, os Reis Magos, Papá Noel, os renos, as árbores de Nadal... Todos están tamén recollidos nos libros. Presentamos algúns exemplares dos que temos á vosa disposición na biblioteca. Non esquezades aproveitar o tempo para construir adornos sinxelos... temos libros que nos ensinan a facelo na biblioteca.

Os Contos de Xandre

2010-12-08T02:33:00.000-08:00

Xandre é un elefante distinto, sabedes por que? Porque cando naceu, non lle puideron poñer sombra... Con este punto de partida, TADEGa (Tecnoloxías de atención á diversidade na Educación Galega) nos propón traballar a inclusión a través dun personaxe que nos lembra cariñosamente ao noso querido Elmer, pero desde outro punto de vista. Parécennos tan interesantes as súas propostas, das que estamos tan necesitaedos que, aparte de esta entrada, colocaremos un enlace permanente na columna da dereita á súa páxina web. Paga a pena adicarlle uns minutos (ou máis) a navegar por ela.
Se queredes xogar directamente co conto, premede aquí.

25 de Novembro: non á violencia contra as mulleres

2010-11-25T01:11:00.000-08:00

Entre as moitas formas de maltrato que soportamos as mulleres, a que máis dano fai a longo prazo é o silencio. Considerar normais condutas que non o son, tolerar comentarios irrespetuosos, consentir agresións mudas, non dicir nada diante das faltas de respecto que a cotío presenciamos, calar... Todos estes comportamentos son unha pinga máis no pozo do silencio. Non pechemos a boca. Falemos do tema, tamén cos nosos alumnos.
Este é o video que ofrece "Trafegando Ronseis"

Dia Internacional contra a violencia de xénero 2010 from trafegandoronseis on Vimeo.

E este un resumo dunha reportaxe sobre o tema:

"O secreto"

2010-11-22T00:59:00.001-08:00

Coñecimos este video grazas á Biblioteca do C.E.I.P. "Milladoiro" de Malpica.

Día Internacional da Infancia

2010-11-20T03:32:00.002-08:00

Tal día como hoxe, 20 de novembro, foron proclamados os Dereitos da Infancia. Sabemos das moitas inxustizas que se cometen no mundo cos pequenos: as guerras, a fame, a pobreza, as enfermidades, a explotación sexual, o maltrato. Aproveitemos este día, e todos os do calendario, para reflexionar sobre as vidas próximas ou lonxanas, que están empezando: elas serán as que gobernen o noso futuro.

Grazas á biblioteca do C.E.I.P. Milladoiro, dispoñemos desta estupenda recopilación de materiais para traballar sobre o tema.

E por medio de "Trafegando Ronseis" coñecemos esta páxina web sobre os dereitos da infancia.

Bibliotecas escolares, espazo de colaboración

2010-11-19T12:37:00.000-08:00

Grazas ao equipo de TIC´s do I.E.S. "Sánchez Cantón", de Pontevedra, dispoñemos desta magnífica presentación onde se nos amosa o papel da Biblioteca Escolar hoxe, como espazo de investigación e de cooperación.

Unha ducia de motivos." href="http://prezi.com/2twjvgoshyr9/bibliotecas-escolares/">Bibliotecas escolares on Prezi

Como se di no Blog das Bibliotecas Escolares : "Hay unha ducia de motivos para que as bibliotecas sexan contempladas, dunha vez por todas, como eses recursos imprescindibles para un ensino de calidade na sociedade actual". A biblioteca é a escola.

TICs e educación

2010-11-15T00:58:00.000-08:00

O "Centro Internacional de Tecnologías Avanzadas" (C.I.T.A.), dependente da Fundación Germán Sánchez Rupérez, ven de celebrar un grupo de reflexión e investigación sobre o tema dos ordenadores na aula.

Grazas a "O Segrel do Penedo" (blog do IES de Fene), tivemos acceso a este breve e interesante documento, do que destacamos:

" (...) As TIC teñen de introducirse nas aulas e centros educativos, pero para contribuir ao cambio, a innovación e a mellora do sistema educativo, e non para enchela de novos "artiluxios".
"(...) Non acaban de ser o motor do cambio na escola, das súas prácticas, das súas intencións, da súa organización. Convimos en que non o é porque se precisan condicións previas que non se dan establecido."
"Requírese aprender e borrar. Aprender novos métodos didácticos nos que sexa o alumno o protagonista da súa propia aprendizaxe, e borrar as prácticas tradicionais sen medo á innovación constante. A formación do profesorado é, sen dúbida, a chave fundamental (...)".
Precísase substituir, paulatinamente, o todopoderoso libro de texto(...). Pero non se trata de suplir o libro polo computador para seguir facendo o mesmo. Trátase de orientar a aprendizaxe cara ás competencias básicas, reflexión e práctica, máis que cara á adquisición de meros contidos.
"É preciso cambiar notablemente o papel do mestre, (...), xa que agora deberá guiar ao alumno no seu proceso de aprendizaxe, ensinarlle a seleccionar a información, a ser crítico coa mesma, e a transformar esa información en coñecemento".
(...)

Outono 2010

2010-10-20T03:37:00.000-07:00

Biblioteca Dixital

2010-10-16T11:41:00.000-07:00

Nun artigo anterior comentábamos as ventaxas que ten o programa MEIGA para utilizar os recursos en rede. Por se quedaba algunha dúbida, podedes seguir as instruccións deste video. Se exceptuamos a parte do comezo (na que se trata como entrar desde a biblioteca pública), o resto é perfectamente aplicable á nosa biblioteca. Non esquezas nunca o teu número de usuario da biblioteca. Está no teu carné!

Profes co galego

2010-10-03T10:25:00.000-07:00

No Día Internacional da Docencia, un exemplo de decencia, docencia e dignidade profesional:

Beatriz leva 25 anos impartindo clases de matemáticas en Lalín. Cibrán leva 20 anos facendo o mesmo na Estrada.

Ler "El Quijote"

2010-10-03T10:16:00.000-07:00

Xa dispoñible para quen queira participar:

Os usuarios que desexen tomar parte na iniciativa deberán entrar na páxina www.youtube.com/elquijote e facer clic no botón «participar». Nese momento asignaraselles automáticamente un fragmento e disporán de 6 horas para preparar un video coa súa lectura e subilo a YouTube. Se, transcurrido este tempo non tivesen colgado a gravación, o texto adxudicaráselle a outro usuario. A supervisión dos videos seleccionados estará a cargo dun equipo do "Centro de Estudios Cervantinos", con sede en Alcalá de Henares (Madrid).
(Fonte: whatsnew.com)

As historias doutros mundos, as nosas historias

2010-10-03T03:09:00.000-07:00

As relacións entre as persoas baséanse no intercambio de historias, de información. Ti coñeces de min o que eu che conto, ou o que che contan os demais, e tamén o que ti observas. Que pasaría se só soubeses de min polo que che din os demais? Probablemente, equivocarías a túa opinión. O mesmo pasa cos grupos de persoas, cos pobos, cos países, coas culturas... Que pasa se dispoñemos so dunha versión sobre eles? Os xiganos son sucios, os africanos pobres, os ingleses estirados, as mulleres presumidas, os homes machistas, os galegos... os galegos non se sabe se soben ou baixan. Non nos quedemos cunha única historia. Compartamos as historias, disfrutemos da diversidade, construamos riqueza coa multiculturalidade, compartindo os contos contados por nós e por eles. Disto fálanos a profesora Chimananda Adichie.

Outros mundos?

2010-10-01T00:33:00.000-07:00

A través de "Trafegando Ronseis" preséntasenos o tema da esclavitude. Parece mentira que no noso mundo existan tamén estes outros mundos, dos que nós podemos disfrutar, sen decatarnos de que todo o que temos custa máis do que parece. Esta campaña posta en marcha pola MTV ten a finalidade de concienciar aos máis novos sobre o tema da explotación infantil. Eis dúas mostras:

Como producir barato para la economia global

View more presentations from Juan Carlos.

BICHOS

2010-09-22T01:38:00.000-07:00

A través de BiblioIris, o blog do IES "Luís Seoane", chéganos este interesante testimonio do encontro entre dous mundos. Se cadra pode ser de axuda para os atrevidos investigadores de 6º e a súa comandante. Ollo! Por se lles pasa...

El libro total

2010-09-16T09:47:00.002-07:00

O marabilloso das lecturas é poder disfrutar delas, independentemente do soporte. Grazas ás novas tecnoloxías, hoxe podemos disfrutar da literatura a través da rede, e mesmo deixar que as palabras nos arrolen, cando outra voz lé. Para os que aínda non o coñezades, non deixedes de probar a experiencia.

Entra no Niño

2010-09-15T03:10:00.000-07:00

Un pequeno paseo nun día calquera no recreo, na biblioteca. Lecturas, xogos, investigación... O balbordo ven de fóra....estamos na biblioteca escolar!
Este ano renovamos a nosa tarefa no PLAMBE. Desde xa a colaboración de todos é imprescindible para que a nosa biblioteca permaneza viva.
Se queres ver a resolución correspondente ao curso 2010/2011, preme aquí.

O libro escollido

2010-09-09T02:09:00.000-07:00

A "Hora de Ler" faise curta, porque non son máis que vinte minutos... Para poder aproveitalos, antes de sair ao recreo deixamos o libro escollido enriba da mesa. Así, cando volvamos estará agardando por nós: so teremos que abrilo e... a disfrutar!

Lembrade que ler non é obrigatorio... Pero si o é respectar o silencio e o pracer da lectura dos demais.

Hora de Ler

2010-09-07T10:36:00.000-07:00

"Francie cerró el libro y se apresuró a regresar a casa resistiendo la tentación de sentarse en el primer umbral para empezar la lectura.

Por fin llegó. Era el momento codiciado durante toda la semana, la hora de la escalera de incendios, su refugio; se instaló con una manta y una almohada, que sujetó contra los barrotes. Afortunadamente, encontró hielo en la nevera; rompió un pedazo y lo puso en un vaso de agua. Echó los caramelos comprados aquella mañana en un bol rajado, de un bonito color azul. Colocó el bol, el vaso de agua y el libro en el antepecho de la ventana y trepó por la escalera. Estar alli fuera era como vivir en un árbol; nadie de arriba, ni de abajo, ni de enfrente podia verla; en cambio, ella lo veía todo a través de las hojas".

Betty SMITH: "Un árbol crece en Brooklyn" (Trad. Rojas CLAVELL), Ed. Debolsillo

Esta fermosa pasaxe descríbenos os preparativos que Francie, como un ritual, desenvolve para preparar a súa "Hora de Ler". Desde o curso 2007-2008, nos Muíños procuramos crear tamén este ambiente de lectura. A maxia tamén se constrúe, e é unha das nosas tarefas como mestres. Se aínda che quedan dúbidas, podes ler o boletín que publicáramos xa hai 3 anos. Feliz comezo de curso. Felices lecturas.

Preguntas do corazón

2010-07-09T01:49:00.000-07:00

Desde "Trafegando ronseis" chéganos este precioso video.

Questions of the Heart from Rachael Harrington on Vimeo.

O amor é para sempre?
Por que non podo facer amigos?
Como podo superar isto (estar no paro)?
Como podemos encher o noso niño baleiro?

Calquera pregunta atopa resposta na biblioteca. Pregunta.

A flor máis grande do mundo

2010-06-24T09:44:00.000-07:00

So os grandes escritores son capaces de contar con poucas palabras as mellores historias. Corrixo: so as grandes persoas son capaces de facelo. Cando a Saramago, ao remate dunha entrevista, o felicitaron por ser un premio Nobel, el simplemente respondeu: "Si, son premio Nobel de Literatura. E que?".
A máis grande lección do escritor é amosarnos que unha das maiores virtudes das persoas é a humildade, e que so con pequenos xestos poden facerse as máis fermosas obras. Aprendamos da humildade deste neto de labregos.
Grazas ás nosas compañeiras do PLAMBE por lembrarnos este marabilloso video.

"O Muíño Vello"

2010-06-10T00:00:00.000-07:00

A revista "O Muíño Vello" xa está nas mans de todos. A curuxa subeuna moi alto e xa se pode ver desde todas as casas.

Open publication - Free publishing - More escolar

Os sons do Courel

2010-06-01T13:05:00.000-07:00

A curuxa sae de cando en vez do seu niño para ver, ouvir, sentir e aprender. Despois de tanto escoitar falar de Novoneyra non puido resistir a tentación, e buscou as árbores, os camiños, as fontes e os regatos que Uxío coñecía. Trouxo un resumo do que viu para compartilo. Un pequeno anaco dos sons do Courel, para escoitar cos ollos pechados, ou acompañalos co verde brillante da Devesa de Rogueira.
O Courel ocupa un 1% da superficie de Galicia, pero contén máis do 40% das variedades de fauna e flora. Agora que se achega o día do Medio Ambiente, paga a pena valorar a importancia que este recuncho ten para a pervivencia da nosa paisaxe.

Se queres disfrutar dalgún outro paseo virtual, podes visitar esta páxina.

¡Dios qué buen vassalo! ¡Se oviesse buen sennor!

2010-05-21T08:09:00.000-07:00

Estimado Sr. D. Diego Calvo:
Dirixímonos a vostede como Equipo Directivo dun pequeno centro educativo da Costa da Morte, o C.E.I.P. “Os Muíños”.
Formar parte dun equipo directivo non é unha tarefa fácil. Como ben saberá, somos os seus (de vostede) representantes diante dos nosos compañeiros (aos que debemos trasladar as súas –de vostede- decisións, e exercer a súa –de vostede- autoridade), e ao mesmo tempo somos os receptores das súas –deles- queixas e as das familias e alumnado para os que traballamos. Isto ofrece con frecuencia moitos sinsabores, pero tamén nos permite estar moi satisfeitos cando acadamos metas, xa que sabemos que sen o esforzo conxunto da comunidade educativa nada podemos conseguir neste lugar periférico da periferia.
Nos últimos anos, o noso centro embarcouse nunha singradura de longo percorrido que terá como fin da viaxe un novo proxecto educativo. A Consellería de Educación –que vostede coñecerá ben- guiounos no noso camiño, como corresponde a un bo líder, e sufragou os gastos que a nosa formación esixía. Alentounos ademais, prestando o seu apoio cando os vaivéns da política fixeron mudar os gobernos que nos darían cobertura, pedíndonos paciencia e mantendo acesa a confianza en que o ensino público, aquel ao que dedicamos tantas horas de traballo, pagaba a pena, xa que de non ser así non investirían as millonarias cantidades que invisten nos proxectos que nós propoñemos. Contando coa complicidade dos nosos compañeiros, mirando as caras dos nosos alumnos, e recibindo o afecto e a colaboración das súas familias decatámonos de que o camiño era o acertado. E por iso nos gusta pertencer ao equipo directivo deste noso centro.
Hai uns meses unha nova promesa abriu novas expectativas, e pensamos que era este o salto definitivo que estabamos agardando. Por fin as carencias que tiñamos para levar adiante o noso proxecto educativo terían solución. Xa non teríamos que cambiar de aula cada vez que precisásemos usar a PDI, xa non teriamos que agardar a que chegase o técnico da Consellería para desfacer os “entuertos” das caprichosas computadoras, … porque iamos entrar en ABALAR. Segundo podemos ler na páxina da Consellería:
“O proxecto busca maximizar o aproveitamento dos recursos, coordinar e impulsar un cambio no modelo educativo apoiado na formación do profesorado e a modernización do ensino que suporá a conversión dos colexios e institutos galegos en centros educativos dixitais.”
Xusto o que nós perseguimos! Se non entrabamos na primeira quenda (estamos acostumados neste curruncho da Costa da Morte), si poderiamos facelo unha vez rematadas as obras prometidas.
Pero … ¡ai! Ao facerse pública a misteriosa resolución atopamos o seguinte:
- O cambio non empeza por “abaixo”, senón por “arriba” (son os IES os que se levan a maior parte do pastel, os pequenos… que saberán eles de ordenadores?”).
- Os centros máis aptos son os privados: eles si teñen infraestruturas, eles si teñen medios, eles si teñen de todo…
- Os mestres máis dispostos son os mestres do ensino privado…
Isto lévanos a pensar :
- Non importa que vostedes sufraguen ano a ano a nosa Certificación de Calidade (por certo, bastante cuantiosa), que nos mantén como único C.E.I.P. da Costa da Morte con tal certificación.
- Non importa o esforzo extraordinario que fai o profesorado do noso centro (subordinados seus, Don Diego) para mellorar día a día o seu traballo.
- Non importa o labor de formación interna que nos esforzamos en facer (axudándonos uns a outros dentro do propio centro), desenvolvendo o modelo de traballo colaborativo, do que tanto presumen.
- Non importa que no noso centro, como en moitos outros da comarca, se estea a desenvolver neste curso: un Proxecto de Formación e Actualización no Centro sobre o Proxecto educativo (PFAC), un Seminario de Biblioteca, un Plan de Autoavaliación e Mellora das TICs aplicadas á educación, que participemos no Plan de Mellora de Bibliotecas Escolares (no que estamos incluídos desde a primeira convocatoria).
- Non importa que nós mesmos asesoremos á Consellería no deseño das bases deste proxecto ABALAR tan publicitado.
- Non importa que todo isto sexan capaces de facelo un grupo de tan so 18 profesionais que, rabuñando horas do seu tempo libre, traballan con ilusión para conseguir a mellora da calidade da formación do seu alumnado (non a mellora de resultados económicos da empresa).
- Non importa que nós XA esteamos aplicando este modelo no que pretenden integrar aos centros privados seleccionados.
Logo… que é o que realmente importa? Énchesenos, señor Don Diego, a cara de vergoña allea cando temos que explicalo aos nosos compañeiros e ás familias, no Consello Escolar do noso centro. Lémbrolle, don Diego, que vostede e máis nós traballamos para a mesma empresa, a Xunta de Galicia, que basea o seu labor no progreso de todos os galegos, nomeadamente aqueles que menos recursos teñen.
Nós somos, máis que equipo directivo, mestres de escola e sabemos que o noso labor é educar, instruír, iluminar.
Se precisa luz, Sr. Superdelegado, as portas desta escola (que é a súa) están permanentemente abertas para vostede. Será ben recibido. Veña e aprenda.
Afectuosamente:
O equipo directivo do C.E.I.P. “Os Muíños”

O caso do libro desaparecido

2010-05-21T00:39:00.000-07:00

Que pasaría se te acusan inxustamente de ter roubado un libro da biblioteca? Como farías para demostrar a túa inocencia? Existe algunha forma de facelo? Mira este video, extraído de Leer.es, e saberalo.

Muxía lé a Novoneyra

2010-05-12T05:46:00.000-07:00

Open publication - Free publishing - More poesia

O C.E.I.P. "Os Muiños" e o C.E.I.P. "Virxe da Barca" colaboran na difusión da poesía de Uxío Novoneyra, agasallando aos veciños de Muxía cos poemas copiados "do puño e letra" dos escolares. Alumnos de 1º, 2º e 5º de primaria reproducen os versos do poeta do Courel para celebrar o Día das Letras.

"Corcón" fala de Novoneyra

2010-05-11T09:03:00.000-07:00

Temos a sorte de contar coa amizade e a colaboración dun escritor moi querido por nós, Xosé Henrique Rivadulla, "Corcón". Xa nos acompañou no mes de xaneiro, cando veu comentar con nós os seus libros e as súas inquedanzas. Igual que el escribe sobre o mar e sobre Muxía, Novoneyra escribía sobre os eidos, sobre o Caurel. "Corcón" coñeceu a Novoneyra, e por iso puidemos sentirnos máis cerca do poeta, da súa palabra e do seu carácter. Corcón compartiu con nós esta tarde para que entendamos mellor a Uxío Novoneyra, para que nos sintamos orgullosos dos nosos antepasados, da súa herdanza e da lingua que nos transmitiron.

O luns volverá Corcón

2010-05-06T12:23:00.000-07:00

O vindeiro día 10 pasaremos de novo a tarde con Xosé Henrique Rivadulla "Corcón". É unha oportunidade que non podemos desaproveitar, porque como el mesmo comenta cando explica por que comezou a escribir, coñeceu persoalmente a Uxío Novoneyra. Poderemos preguntarlle sobre as súas lembranzas acerca do poeta homenaxeado este ano no Día das Letras Galegas, a quen coñeceu en Santiago.
Se premedes aquí, poderedes escoitar a Corcón recitando a "Letanía de Galicia", un dos poemas máis famosos de Novoneyra.

NOVONEYRA

2010-05-06T05:28:00.001-07:00

UXÍO NOVONEYRA

View more presentations or Upload your own.

Entre as moitas formas de ler a Novoneyra, atopamos esta presentación que ofrece o CPI Progreso de Catoira.

Mi mamá me mima

2010-04-30T06:39:00.000-07:00

Eran estas as primeiras palabras que aprendíamos a ler... E quedaron para sempre impresas no libro da nosa vida. Os nenos, na escola, preparan pequenos agasallos para a súa mamá...

Antonio García Teijeiro di no seu "Unha chea de aloumiños":

"Os tesouros dos rapaces

son inxenuos e sinxelos.

Os tesouros dos maiores

son ruíns e medoñentos".

Unha pequena mostra: os nenos e as nenas de 1º prepararon fermosos cadros para as súas mamás.

En 5º fan de artesáns e preparan xoieiros e colgapendentes coas súas sabedoras mans...

Non hai mellor poema que este que todos lembramos, igual que os aloumiños de mamá:

"Miña nai, miña naiciña,

como a miña nai ningunha

que me quentou a cariña

co caloriño da súa"

"A illa do tesouro" cos cinco sentidos

2010-04-23T15:26:00.000-07:00

Para celebrar o Día do Libro, nada mellor que ler. Como todos os anos, a Maratón de Lectura foi a estrela do día. Os que hai anos escoitaban, porque non sabían ler, agora lenlles aos seus compañeiros de infantil, que escoitan con atención o que contan os maiores. É o rito de todos os anos, o mesmo que repetiremos, un abril tras outro, o 23 de abril.

Este ano, ademáis, Luís, o da floristería, brindouse a traer o seu barco, que quedou instalado na entrada do cole. E recibimos a visita do noso alcalde, don Félix Porto, que participou na maratón. E disfrutamos do menú pirata grazas a que a encargada do comedor e as cociñeiras se confabularon para darnos a sorpresa!
En fin, un día do libro cos cinco sentidos.

Materiais para o Mes das Letras Galegas

2010-04-20T11:42:00.000-07:00

Aínda que estamos en pleno mes de abril, sabemos que á volta da esquina está o Mes das Letras. Para os que queiran ir inspirándose e disfrutando de Novoneyra, un grupo de mestres, que compoñen o Seminario Galán, comparten con todos nós unha valiosísima batería de actividades. Non tés máis que facer clic na imaxe do poeta, e accederás á súa páxina. As actividades están secuenciadas por ciclos.

Benvido a experiencia revolucionaria de "book"

2010-04-20T11:29:00.000-07:00

A tradición na escola

2010-04-20T04:58:00.000-07:00

A escola 2.0 non se esquece da tradición. Todo cabe no seu espazo, e as PDI e os ordenadores nunca substituirán as mans sabias dos artesáns. O señor Julio e o señor Pepe ensinaron aos escolares e aos mestres que o traballo manual, a tradición, o saber acumulado en anos de experiencia ocupan un lugar nas nosas vidas. O contacto coa terra, o esforzo e a paciencia producen obras que nunca perecen, e que nunca pasan de moda. Grazas aos nosos mestres, os sabios alfareiros, por compartir con nós todo o que saben.

Canto tempo!

2010-04-18T12:26:00.000-07:00

Aínda que non o pareza, a curuxa non abandonou o niño. Simplemente, estivo moi atarefada, preparando, mirando, disfrutando, e agora quere contar todo o que leva acontecido neste longo mes de primavera.

O primeiro foi sementar poemas. Non é unha tarefa doada, pero sen dúbida a colleita foi boa. Co paso dos días, os resultados foron visibles.

Os pequechos, despois de lido o libro de "Frederick" puideron achegarse con máis confianza aos poetas, e mesmo elaboraron unha escolma de álbumes como homenaxe. Recitaron e cantaron, aprenderon rimas e trabalinguas.

Mentres, o sementado entre os lectores comezou a agromar: dos poemas plantados naceron outros novos, en forma de acrósticos, caligramas, e divertidas rimas. Neste video tedes varios exemplos.

Pollo al Estilo Corsario

2010-03-05T08:08:00.000-08:00

Se necesita tomillo,
ajo, pimienta, un pocillo
de agua (mejor mineral)
con una pizca de sal,
además de una cebolla
y una olla.

Pero el principal escollo
es encontrar un buen pollo,
sobre todo si uno insiste
en buscarlo, por despiste,
en una isla desierta
o en cubierta.

Con todos los ingredientes
bien caliente
se prepara un marinado
de lo más sofisticado.

Luego se pone a enfriar
en el mar
o en la nevera,
y se va haciendo unha hoguera.
Despues, montas la parrilla,

sacas el pollo y lo asas,
y le echas una guindilla.

¡Está rico que te pasas!

Ana Alonso: "Versos piratas, piratas en verso"

Adiviña

2010-03-04T01:00:00.000-08:00

Cuanto más viejo, más fuerte.
Cuanto más fuerte, más quema.
Y puede ser un problema
si te acostumbras a él,
porque aunque a veces te alegra
y te hace bailar la rumba,
¡puede mandarte a la tumba!
¿Qué es?

Ana Alonso
(Versos piratas, piratas en verso)

Viento en popa, a toda vela!

2010-03-01T12:39:00.000-08:00

Esta é a "Canción del Pirata", interpretada por "Mago de Oz". O autor da letra non é un rapaciño novo. Chámase José de Espronceda. Podes averiguar cantos anos ten? Onde naceu? A que se adica? Serías capaz de atopar unha foto súa? Escribiría algunha canción máis?

Orgullosos do noso, orgullosos do galego

2010-02-23T05:55:00.000-08:00

Se queres máis información, clica aquí.

Foise o Antroido

2010-02-18T02:17:00.000-08:00

Rematou o Antroido. Lembramos a festa, os disfraces, a diversión e as deliciosas sobremesas.

Panos piratas

2010-02-09T05:30:00.000-08:00

Tanto me tenque sexa de cadros,
de lunares ou floreado...

PERO PARA MAÑÁ TRAERÁS
UN PANO ESTILO PIRATA
NA CABEZA BEN ATADO.

Pero... nunca imos aprender?

2010-02-08T10:58:00.000-08:00

Tantas veces andamos a voltas con iso do medio ambiente que non reparamos no cotián. Verdade que o que fai este home repetímolo tooooooodos os días? Verdade que nos custa moitísimo aprender algo tan sinxelo?

Os pequenos tamén sabemos clasificar

2010-02-08T08:18:00.001-08:00

O venres pasado foi un día de moito traballo. Os pequenos de 4 anos estiveron na biblioteca para aprender que non so poden atopar libros. Agora coñecen moitos máis soportes onde buscar a información que necesiten. Tamén saben clasificar e ordear o que atopan na biblioteca. Nun montonciño os libros de consulta, noutro os mapas, noutro os videos, noutro as revistas, noutro os CD´s... e cada un no seu sitio.

Unha tarde con "Corcón"

2010-02-07T13:29:00.000-08:00

Todos o coñecíamos xa. Algúns tíñano atopado por Muxía, outros só a través do seu libro, "Os piratas da Illa da Esperanza", que temos como libro de cabeceira en 6º, na clase de matemáticas, e na de lingua galega. Agardabámolo para que nos contase un montón de cousas. Comezou por explicar o significado do seu alcume: "O corcón é un peixe pequeniño, a cría do muxo", e pouco a pouco a clase foise enchendo de confianza. Xa eramos amigos, como os do clube de lectura "Pedra dos Corvos". Silvia pediulle que nos lera un fragmento de , as "Memorias dun neno labrego", o primeiro libro que el lembra ter lido. Dixo que o primeiro que escribira foi "O bebé máxico". Contounos que escollera "A Illa do Tesouro" como inspiración para "Os Piratas...",e fíxonos algunha confidencia. Soubemnos como quixo facerse escritor, e deunos algúns consellos, por se nós tamén queremos escribir... Rematou asinando todos os nosos exemplares de "Os piratas...", e estampou unha preciosa adicatoria no libro de visitas da biblioteca. Foi unha tarde moi curtiña, pero moi ben aproveitada. Agardamos que abarloe á nosa nave moitas máis veces.

Vainos visitar Xosé Henrique Rivadulla "Corcón"

2010-02-02T00:52:00.000-08:00

O vindeiro venres, día 5 de febreiro recibiremos a visita de Xosé Henrique Rivadulla, apodado "Corcón". Todos sabemos que é o autor de "Os piratas da Illa da Esperanza", pero seguro que desexamos aprender moitas máis cousas de el. Neste video, Corcón cóntanos por que se fixo escritor. Se queres coñecer a súa biografía ou aprender algo máis do seu traballo, podes clicar aqui.
É a páxina da Asociación de Escritores en Lingua Galega. Contén pezas da súa obra, fotografías, e enlaces a outros documentos. Nela verás que Corcón non so escribe novelas e poemas senón que tamén é guionista. De onde sacará o tempo para facer tantas cousas?

Lección

2010-02-01T02:32:00.000-08:00

Un dos días da semana pasada "tocou" comer coliflor de primeiro . Moitos enrugaron o nariz, así que Sandra, a nosa cociñeira, interrompeu o xantar e contounos a viaxe que fixera a coliflor ata chegar aos nosos pratos:
- O transportista deixouna na cociña para que as encargadas puideran preparala.
- Sandra e Lola limpárona.
- Botárona a cocer nunha ola con auga fervendo, ata que estivo "al dente".
- Sandra e Lola escorreron a coliflor.
- Partiron toda a coliflor en "floretes".
- Sandra e Lola rebozaron a coliflor en fariña e ovo.
- Sandra e Lola fritiron todos os floretes de coliflor en aceite de oliva. Sandra especificou que o aceite de oliva era un luxo que non todos se podían permitir.
- Engadíronlle queixo "mozarella" para mellorar o sabor, e facela máis apetitosa. Sandra sinalou que isto non se facía en todas partes, porque o queixo "mozarella" é un ingrediente pouco habitual.
- Pasaron a coliflor nunha bandexa ao forno, para que rematara de facerse e se mantivese quente. Sandra resaltou que non en todos os coles había forno.
- Sandra rematou dicindo que se gastaran demasiados cartos e tempo para rematar tirando a coliflor no caldeiro do lixo.
Cremos que todos, aparte da deliciosa receita, temos unha lección aprendida.
Grazas, Sandra.

Que paz!

2010-01-26T11:03:00.001-08:00

Que paz!
Cargado originalmente por susana.seoane

Ás veces, a Curuxa, indiscreta, mira polo ollo da fechadura, e logo conta a quen a queira escoitar o que viu. Hoxe foi máis atrevida, e entrou na aula de 5º mentres estaban traballando. Pasaban das 11 da mañá. No ordenador soaba "Verdad que sería estupendo". Na clase preparaban o dragón que lles servirá de disfraz este antroido. Todos cantando, todos traballando, todos colaborando.... non sintes a paz?

Colaborar

2010-01-19T02:48:00.001-08:00

Ás veces, os detalles máis pequenos son os que estragan a convivencia, e con algo de paciencia e moi bo humor podemos amañar as pelexas por estar diante na fila, por compartir un asiento, ou pola disputa do balón. Os "Pocoyós" da nosa escola poden tamén aproveitar os debuxos para aprender a convivir.

Sería estupendo

2010-01-19T02:40:00.000-08:00

Verdad que sería estupendo
que las espadas fueran un palo de la baraja
que el escudo una moneda portuguesa
y un tanque una jarra grande de cerveza

Verdad que sería estupendo
que las bases fueran el lado de un triángulo
que las escuadras sólo reglas de diseño
y los gatillos gatos pequeños

Que apuntar fuera soplarle la tabla a Manolito
que disparar darle una patada a un balón
y que los "persing" fueran esa marca de rotulador
con los que tu siempre pintas mi corazón
Verdad que sería estupendo
que las bombas fueran globos de chicle
que las sirenas fueran peces con cuerpo de mujer
y las granadas una clase de fruta

Que alarma fuera un grupo de rock and roll
y que la pólvora fuera para hacer fuegos artificiales
y que los "persing" fueran esa marca de rotulador
con los que tu siempre pintas mi corazón
con los que yo siempre pintas tu corazón

Y no existiera más arma en el mundo
y no existiera más arma en el mundo
más que el "mi arma" andaluz

Verdad que sería estupendo.

Malta Radio

2010-01-14T12:05:00.001-08:00

Levamos xa tres meses dándolle voltas ao tema dos piratas: a súa historia, as súas orixes, onde pode un levar a sorpresa desagradable de atopalos... non só no mar.

Sabedes que xaneiro é un mes especial, adicado a pensar como debemos solucionar os nosos conflitos; conmemoramos o "Día da Paz" o 30 deste mes. Durante estas semanas habemos falar dos "antipiratas", que tamén os hai. Tedes aquí un exemplo : a película "Malta Radio" conta a súa historia. Se queres ver un resumo, fai click aquí.

Agasalla con libros

2009-12-20T11:55:00.000-08:00

As mamás que participan no "Obradoiro das familias" veñen de preparar as súas recomendacións para agasallar con libros este Nadal. As ideas que expoñen no boletín non veñen da crítica literaria nin das listas dos máis vendidos: nacen da experiencia de ler en familia, de compartir e disfrutar. Elas, mellor que ninguén, saben o que prefiren os pequechos da familia. Botádelle unha ollada.

Boletín de Nadal

Publish at Calaméo or browse others.

O XOGO DOS DEREITOS HUMANOS

2009-12-09T13:19:00.001-08:00

Esta é unha ferramenta moi útil para reflexionar, compartir, e aprender. Recomendamos xogala en parellas, aínda que tamén pode facerse en pequenos grupos. Aproveita a oportunidade para comentar todo o que se che ocorra sobre os DEREITOS HUMANOS. Ah! Antes de comezar o xogo, le as instruccións.

Premio para o CEIP Bergantiños

2009-12-04T05:54:00.000-08:00

O C.E.I.P. "Bergantiños" ven de recibir o premio ao mellor proxecto de innovación en normalización lingüística, por "Casas de aquí e de acolá". Se queredes velo, consultade aquí o blog. Desde o CEIP "Os Muíños" queremos felicitar o seu traballo, feito coa ilusión e a entrega que desde aquí coñecemos ben. PARABÉNS!!!

Dereitos humanos

2009-12-02T11:28:00.000-08:00

Desde a biblioteca do C.E.I.P. de Andrade ofrécennos esta webquest sobre os Dereitos Humanos. Conmemóranse o día 10 de Decembro, e pode ser unha boa oportunidade para reflexionar. Clica aquí se queres completala.

Que podemos facer?

2009-11-24T12:29:00.003-08:00

Esta é a gran pregunta. Que facer, non só o 25 de novembro, senón todos os días do ano. Un grupo de alumnos de secundaria presentaron 5 ideas sobre o tema do maltrato, e plasmáronse en cinco curtas, de un minuto, aproximadamente, de duración.

O primeiro: "Vive o muere"
O segundo:"Nunca es tarde para hacerte valer"
O terceiro: "Sinrazón"
O cuarto:"Sin pensarlo dos veces"
O quinto: "Bajo la máscara"
Grazas á colaboración do blog "Trafegando ronseis" podemos dispoñer dos cinco. Calquera deles paga a pena.

Que podemos facer?

2009-11-24T12:29:00.001-08:00

Esta é a gran pregunta. Que facer, non só o 25 de novembro, senón todos os días do ano.

2009-11-24T12:04:00.000-08:00

O día 25 de novembro está adicado a reflexionar sobre a violencia contra as mulleres. Este documento é outro gran de area que chega desde a biblioteca do IES Sánchez Cantón, de Pontevedra. Sirva para que todos axudemos, para que engadamos o noso propio gran de area, mesmo transmitindo a mensaxe: non á violencia contra as mulleres, non ao maltrato.

2009-11-20T09:37:00.000-08:00

O Ministro de Educación acaba de inaugurar un novo espazo virtual para compartir o pracer da lectura. O seu nome é "Leer.es", e será a plataforma onde poderemos intercambiar as nosas experiencias tanto no noso papel de lectores, como de docentes ou de pais. É un lugar de participación e aprendizaxe, que medrará coas aportaciòns de todos. Atrévete a ser dos primeiros en visitalo.

A castaña Dorinda

2009-11-19T15:14:00.000-08:00

Grazas a que temos unha excelente "dramaturga" no cole, podemos agora disfrutar da "Castaña Dorinda". E os fillos da "dramaturga", son dramaturgos, ou "axudantes de dirección"?

O Magosto

2009-11-17T12:31:00.000-08:00

Se fas doble click enriba, podes ver unha selección dos mellores momentos do Magosto de hoxe.

Castañas, castañas e máis castañas

2009-11-17T11:51:00.001-08:00

Para celebrar a chegada do outono, facemos un magosto no cole. Pero, antes de nada, creamos ambiente. O cole está cheo de castañas do máis orixinal. Dentre elas, as mellores levarán un agasallo. Ti cal escollerías?

From Castañas, castañas e máis castañas

Visitar unha exposición

2009-11-09T11:17:00.000-08:00

Ás veces é moi importante saber como nos ven os demais. Visitando a exposición de Ruth Matilda Anderson podemos averiguar como vía aos galegos que fotografou alá polo 1925. Ela era noviña, e seguro que aínda andaba a estrear a súa cámara. Pero soubo captar de xeito sorprendente a dignidade e o esforzo dos nosos avós e bisavós. A foto que tedes embaixo foi tomada nos montes de Carnota. Son un grupo de mulleres que volven cargadiñas con mercancía. Se tedes oportunidade achegádevos ao Cantón Grande da Coruña. Alí está a Fundación Caixa Galicia. A exposiciòn estará aberta ata mediados de febreiro. Máis información pinchando aquí.

Agasallo de Rubén

2009-11-09T11:06:00.000-08:00

O noso querido Rubén (temos o seu blog enlazado á dereita) tamén é pintor! Non o sabiades? Hai pintores "de brocha gorda" e de "brocha fina", pero Rubén é quen de facer coa gorda o que outros non poden facer cun lápis. Queres velo?

Somos uns leóns!

2009-11-05T09:46:00.000-08:00

Os datos abruman!O 54,3% da poboación española maior de 14 anos declárase "lector habitual" (len un ou máis libros cada semana). A maioría destes lectores son mulleres (o 57,9%). Pero onde máis lectores hai é entre os pequenos. Considéranse lectores o 92,9% dos nenos entre 10 e 13 anos!!!! Sodes uns auténticos leóns!Son datos publicados no "Barómetro de Hábitos de lectura y Compra de Libros en el Tercer Trimestre del 2009", presentado pola Federación de Gremios de Editores de España.

Cabazas, caliveras, Samaín!

2009-10-30T03:23:00.001-07:00

Chega o outono, as follas cubren o chan, medran as castañas, ven o frío, e a noite se estende sobre a Terra..... Chegan as cabazas!!! No cole, grazas á colaboración das familias, podemos ver ata onde é capaz de chegar a imaxinación. Comeza a festa das cabazas.