Entre os días 30 de setembro e 1 de outubro realizaremos a primeira saída á contorna como punto de partida para iniciar o traballo sobre os Obxectivos de Desenvolvemento Sustentable (O.D.S.) que conforman a axenda 2030, tema sobre o que traballaremos durante todo o curso 2025-2026. Será unha visita ao pasado, aprendendo dos nosos trasavós a maneira de aproveitar de forma sustentable os recursos que a natureza ofrece. Neste caso, a auga do Río Grande, un dos máis importantes da nosa comarca, que no Concello de Vimianzo era aproveitado para diversos fins, un deles os muíños e batáns do Mosquetín.
Se premes na imaxe, terás acceso á súa páxina web, e poderás disfrutar dun avance do que imos ver.
Ningún comentario:
Publicar un comentario