10/11/2013

"Entre faros" nos Muíños

Esta mañán recibimos unha visita moi especial. Santi Pérez, o presidente do Club Xadrez Cabo Touriñán chegou ao noso centro acompañado do Campión Iván Cheparinov, que contestou ás preguntas do alumnado de 2º e 3º ciclo de primaria, que ateigaba a biblioteca da escola. Cheparinov participa no Torneo "Entre Faros" que se está a xogar entre Fisterra, Muxía e Camariñas.

Todo o seu público escoitou con atención as súas explicacións, aprendendo que no xadrez apréndese máis perdendo que gañando, porque podes mellorar a partir dos teus erros.

Xadrez "Entre Faros" on PhotoPeach

Finalmente, o mestre Cheparinov e o noso alumno Kefrén Alvite Moure xogaron unha "partida cega", isto é , o Sr. Cheparinov xogaba cos ollos vendados, mentres lle ían ditando os movementos que facía o seu contrincante. 
Adiviñade quen gañou...
Os organizadores do Torneo tiveron o detalle de agasallar ao cole cun taboleiro asinado polos Mestres participantes, e un exemplar do libro "Xadrez para todos" .

No hay comentarios:

Publicar un comentario