Así celebramos a semana das Letras Galegas

Empezamos a semana facendo no recuncho da biblioteca unha exposición de lecturas da escritora e profesora María Victoria Moreno Márquez. Desde que pisou por primeira vez a nosa terra, no ano 1963, namorouse dela sentíndose identificada coa lingua. No ano 1993 declaraba " A miña relación con Galicia e a miña opción pola súa lingua é simplemente unha historia de amor".

O cartel do recuncho elaborouno o alumnado do Voluntariado de lectura e  1º E.P.
María Victoria Moreno from Curuxa Catuxa on Vimeo.
Aquí tedes todas actividades programadas por parte do EDLG e a mestra de música en colaboración co equipo de biblioteca.

Actividades para a semana das Letras Galegas

Luns, 14 de maio

Composición do panel "María Victoria segue brillando"

Martes 15

A "Chiquitropa" anuncia os eventos do día.
"Pirín- pimpín,
xa estamos aquí.
Pirín- pimpea,
nas Letras Galegas.
Pirín- pimpín,
a Chiquitropa Mozartín"

Xuntámonos todos na biblioteca para ver a proxección da curtametraxe que se fixo dentro do programa de dinamización lingüística "Nós tamén creamos" baseada no libro "Coas mans baleiras" (editorial OQO). Se premes na portada poderás ler o libro.

 "Coas mans baleiras", creación audiovisual na escola.

Despois da curtametraxe reunímonos no ximnasio e alí gozamos da música e do teatro.

A Chiquitropa cantou "O rap das Letras" 

A orquestra do colexio interpretou "Regueifas a tutiplén"

O grupo de teatro "Cancharrincas" integrado por alumnado de diversos curso representa "A festa no faiado" baseada na obra de María Victoria Moreno.

"A festa no faiado"

Mércores 16
"Festa do mar". Obradoiro sobre a pintora muxiana 
Viki Rivadulla "Naturezas vivas de Maruja Mallo".

Rematamos os actos da semana das Letras Galegas cun Obradoiro de Cultura Tradicional a cargo do grupo "Abaladeiras de Muxía".

"Abaladeiras" na semana das Letras Galegas