Conmemorando a Rosalía

O aniversario de Rosalía é unha data importante no noso calendario, non so por lembrarnos dela, senón senón tamén de todo o que escribiu.

Cada día máis viva en nós, Rosalía falou na nosa biblioteca a través dos seus poemas. Cada un dos que lemos ou escoitamos, celebramos o seu aniversario volvendo a disfrutar das súas palabras.

Este ano coincidiron no tempo a celebración do Día de Rosalía e a do entroido no noso centro, por iso decidimos conmemorar o Día de Rosalía o xoves 23 e festexar o entroido, o venres 24. Para dar remate a este día, o alumnado de 4º,5º, e 6º acompañou con frautas e ritmo de vasos unha escolma poética de Rosalía.

Día de Rosalía

O 24 de febreiro de 1837 naceu Rosalía de Castro, unha das máis importantes escritoras en Lingua Galega. Escribiu tanto en prosa coma en verso, empregando o galego e o castelán. 

En 1863 foi publicado en Vigo o seu primeiro libro "Cantares Galegos". En 1880 publicou unha escolma de poemas á que chamaría Follas Novas.   É tal o interese que espertan as súas obras no mundo que nas últimas décadas os seus libros foron traducidos a linguas como o francés, o alemán, o ruso e o xaponés.

Moitos dos poemas de Rosalía foron musicados polo cantautor Amancio Prada.

Tamén musicou poemas seus o fenomenal grupo Fuxan os Ventos.

                                      

No ano 1979 editouse un billete de 500 pesetas(3€) sobre ela. No anverso a cara de Rosalía e no reverso a súa casa de Padrón.

Tamén se editou un selo de correos adicado a ela.