LECTURAS DE MEDO

Non te perdas a selección de lecturas que fixemos no Niño da Curuxa para gozar destas tardes de outono. Monstros, curuxas, meigas e bruxas que farán que pases unha tarde de medo...! 

Lecturas para o tempo de Samaín

Lembra que na nosa biblioteca tés coleccións de contos como estas para gozar do tempo de Samaín.

CONTACONTOS DE MEDO

A Asociación de Pais e Nais ( ANPA) do CEIP "Os Muíños" en colaboración coa Biblioteca organizou un "Contacontos de medo" para todo o alumnado de Infantil e Primaria. 

O venres 29 celebramos o Samaín. Todo o alumnado desfrutou, en cadansúa aula, dun fantástico contacontos de medo na voz de Isabel,  mestra xubilada que traballou moitos anos no noso centro. 

Isabel elaborou, para todo o alumnado, uns agasallos relacionados cos contos: culleres (Infantil), "Sacapenas" (1º e 2º E.P.) e marcapáxinas ( de 3º a 6º E.P.) 

Remata a sesión de contacontos coa entrega duns agasallos en agradecemento a Isabel.

Fai a entrega Puri, a presidenta da ANPA.

O medo nos debuxos

Como Samaín é tempo de monstros o alumnado de 2º de E.P. elaborou xunto coa mestra Laura,  na clase de plástica, uns monstros terroríficos. 

Aquí tedes "Os nosos monstros". Botádelle unha ollada. 

OS NOSOS MONSTROS from Curuxa Catuxa on Vimeo.

Aquí tedes as últimas novidades

Na  maleta das novidades atoparedes estes libros. Como vedes, hai de todo un pouco, aínda que proliferan os libros sobre viaxes que é o tema deste curso. Felices lecturas.

Celebración Samaín-Magosto

Un curso máis, coa chegada do outono, celebramos a festa do Samaín - Magosto. Houbo moitas actividades: contos de medo, concurso de cabazas, xogos, castañada, ambientación da biblioteca... 

A nosa biblioteca convertiuse nun lugar terrorífico e ao mesmo tempo acolledor, onde desfrutamos de arrepiantes historias inventadas e contadas polo alumnado de 6º A e 6º B. A verdade é que o pasamos de medo... 

Contamos... Aquí tedes os contos de terror enxeñados e ilustrados polo alumnado de 6º A ("De excursión polo monte") e 6º B ( "O misterioso e aterrador día de Samaín"). 

O Misterioso E Aterrador Día De Samaín (1)

Leer más publicaciones en Calaméo

Recitamos...  


                                                                                                                                                 

E cantamos...

      

Preparándonos para a 1º celebración deste curso viaxeiro

O venres, 11 de novembro, celebraremos o Samaín e Magosto. O cole está que mete medo!! Esta semana foise enchendo de caveiras, pantasmas, bruxas, cabazas,...

Samaín

Como todos os anos, chegou o Samaín ao C.E.I.P. "Os Muíños". Anunciábase desde hai días polos corredores e as aulas, e por fin hoxe, aínda que non é o día, celebramos o comezo da escuridade. Non é unha data triste, senón o momento de celebrar que comeza unha nova estación, que a Natureza durme agardando a primavera e que xa podemos disfrutar das castañas, das noces, da crema de cabaza...  As familias colaboraron enviando verdadeiras obras de arte que encheron o vestíbulo da escola de cores e carantoñas. E para rematar a xornada, entregáronse os premios ás mellores cabazas, que pola súa orixinalidade e laboriosidade foron escollidas de entre as presentadas en cada ciclo. As fotos verdadeiramente non lles fan xustiza.

Se queredes ver a fabulosa cantidade de cabazas presentadas, botádelle unha ollada a este video:

Outono 2010

Cabazas, caliveras, Samaín!

Chega o outono, as follas cubren o chan, medran as castañas, ven o frío, e a noite se estende sobre a Terra..... Chegan as cabazas!!! No cole, grazas á colaboración das familias, podemos ver ata onde é capaz de chegar a imaxinación. Comeza a festa das cabazas.