A vida de Charles Dickens

Dickens tivo unha vida moi interesante. Aínda que acabou convertíndose nun escritor de moito éxito, a súa nenez foi moi dura, xa que a súa familia viviu na pobreza moitos anos. Conseguiron avanzar cando, coa morte da súa avoa materna, herdaron a fortuna da finada. Deste modo, o pequeno Charles puido comezar ir á escola, aprender e formarse para conseguir unha vida mellor. Nunca, a pesar de que chegou a ser un home rico, esqueceu esta etapa da súa vida. Sempre defendeu ás persoas máis desfavorecidas, nun mundo no que a xente privilexiada vivía completamente de costas a esta realidade. Saberías identificar os datos máis importantes na vida do noso escritor de cabeceira?

Dickens escribiu moitas obras

 Charles Dickens foi autor de moitas novelas. Escribía sobre todo acerca de persoas que tiñan unha vida desgraciada e loitaban por conseguir o seu benestar e o da súa familia. Pensaba nas persoas desfavorecidas que non renunciaban aos seus soños e superaban obstáculos un día e outro. Nós estamos coñecendo a Oliver Twist, pero hai outras creacións de Dickens tamén moi famosas. A ver se es quen de ordenar os seus títulos neste xogo.

OLIVER TWIST

A novela OLIVER TWIST, escrita por Charles Dickens, foise publicando na revista Bentley's Miscellany entre febreiro de 1937 e abril de 1939. Daquela, a xente non dispuña de cartos para mercar libros, e normalmente as novelas publicábanse por capítulos en revistas deste tipo. Foi a primeira novela en lingua inglesa que tivo como protagonista a un neno. 

Existen moitas películas baseadas nesta obra, pero para que vos sexa máis fácil achegarvos á historia de Oliver Twist, deixamos aquí unha película de animación que resume moi ben a súa historia. Preme na imaxe para vela. 

CHARLES DICKENS

 Este curso, no que desenvolvemos o PDI "Que pasaría se...?", o noso libro de cabeceira é "Oliver Twist". Foi escrito por Charles Dickens, un escritor británico moi coñecido pola súa forma de relatar feitos da vida real. Imos achegarnos aquí á vida deste home, marcada tamén polas dificultades na súa infancia. Preme no retrato e terás acceso á súa liña do tempo.

MARÍA CANOSA E O DÍA DA POESÍA

 Como cada curso, no noso cole celebramos o día da poesía. A data sinalada é o día que comeza a primavera, o 21 de marzo. 

Pero este ano imos festexala o día 27, porque marchamos de vacacións e apetécenos despedirnos gozando da poesía.

María Canosa, a autora escollida pola biblioteca, non pode estar con nós. Pero foi tan amable que nos enviou un dos seus poemas... recitado por ela mesma! Aquí o tedes, por se queredes aprendelo ben.

Ebook de recetas de Entroido

Xa temos listo o noso ebook de receitas do Entroido! 

🎭🍽️📚

Con motivo do Entroido, convidamos ao alumnado e ás súas familias a compartir receitas típicas destas datas, elaboradas xuntos na casa e acompañadas, se querían, de fotos do proceso. O resultado é este libro cheo de tradición, sabor e momentos compartidos, que agora temos o pracer de presentarvos.

Queremos expresar o noso agradecemento ás familias que participaron, dedicando o seu tempo a cociñar cos seus fillos e fillas e a enviar as súas achegas. Sabemos que o ritmo diario non sempre facilita estas colaboracións, por iso valoramos especialmente a implicación nas actividades que fomentan o traballo e o desfrute en familia. Compartir experiencias coma esta axuda a fortalecer os vínculos e a manter vivas as nosas tradicións.

Agardamos que desfrutedes do ebook, que vos anime a preparar estas deliciosas receitas do Entroido e, sobre todo, a seguir creando recordos xuntos.

Feliz Entroido e bo proveito!

 

DÍA INTERNACIONAL DA MULLER E A NENA NA CIENCIA

 Como cada 11 de febreiro -desde 2016- celebramos este día, para dar a coñecer as aportacións das mulleres ao avance científico. Sabedes cal é o motivo? Coñecedes o nome de algunha muller dedicada ás disciplinas STEM (Science, Technology, Engineering, Mathematics)? Coñeces os descubrimentos científicos realizados polas mulleres...?

Máis información aquí.