DÍA DAS ESCRITORAS

 O Día das Escritoras é unha iniciativa  organizada entre a Biblioteca Nacional de España, a Federación Española de Mujeres Directivas e Executivas Profesionais e Empresarias (FEDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, contará coa colaboración de Asociación Colexial de Escritoras e Escritores (ACE), o Centro Español de Dereitos Reprográficos (CEDRO) e o Instituto das Mulleres. Desde 2016 búscase reivindicar o labor e o legado das escritoras a través da historia.

Como en edicións anteriores, a data elexida é o luns máis cercano á festividade de Teresa de Jesús, o 16 de outubro. A XI Edición celébrase este ano 2026  o 19 de outubro baixo o lema "As amigas como forma de liberdade".

Nós conmemorámolo colaborando co EDL, e expoñendo os títulos das nosas escritoras máis queridas. Moitas delas naceron na Costa da Morte. Recoñécelas?

EXPURGO DE FIN DO VERÁN 2026

 Como cada inicio de curso, damos os primeiros pasos polo noso PROXECTO DOCUMENTAL INTEGRADO: "SON DE AQUÍ".

Utilizaremos todos os recursos posibles para chegar a coñecer a nosa contorna máis próxima en diversos aspectos, desde a xeografía ata as tradicións ou o traballo. 

E, como cada inicio de curso, poñemos ao día a nosa biblioteca, actualizamos os fondos e poñemos a disposición da comunidade educativa os exemplares que xa non teñen cabida no centro, e buscan un novo fogar. 

Se queres adoptar un libro do "Niño da Curuxa", non tés máis que deseñar unha postal na que expliques de onde és, o nome do lugar (explicando a súa orixe, se o sabes), e o que máis che gusta dese lugar. 
Fai tamén unha ilustración do sitio, para que todos poidamos coñecelo mellor.

E para rematar, deixa a postal na caixa de correo que atoparás na exposición e escolle dous libros. 

Se queres máis, podes elaborar outra postal, seguindo os mesmos pasos. 

Consulta coa túa titora cando podedes visitar a a exposición. 

MUXÍA NUN CARTAZ

 Temos a inmensa sorte de seguir en contacto con moitos dos nosos ex alumnos e alumnas. Un deles é o autor do marabilloso cartaz que foi presentado para a Romaría da Virxe da Barca, que vimos de celebrar. 

Non hai mellor excusa que esta para afondar no espíritu do noso P.D.I. para este curso "SON DE AQUÍ".

Queremos investigar e aprender sobre todo o que agocha este cartaz de Diego Calvo?

Aquí deixamos algunhas pistas para comezar as nosas investigacións:

📚❤️ O meu libro favorito tamén ten Instagram! 📸✨

 

📚❤️ O meu libro favorito tamén ten Instagram! 📸✨ 

Quen dixo que os libros non poden ter Instagram? 🤔

Aproveitando a celebración do día do libro, propuxémoslle ao alumnado unha actividade creativa moi divertida: imaxinar como sería unha publicación de Instagram do seu libro favorito. 📖📱

Para participar, cada nena e neno recibiu unha plantilla inspirada nesta coñecida rede social e tivo que debuxar nela o libro que máis lle gusta. 🖍️🎨

A través dos seus debuxos puidemos descubrir historias de aventuras, misterio, humor e fantasía, así como coñecer un pouco mellor os gustos lectores dos nosos alumnos e alumnas. 🌟📚

A actividade encheu o cole de cor e de lecturas recomendadas polos propios lectores e lectoras do centro. 💕📖

Parabéns a todos e todas pola vosa creatividade e por compartir os vosos libros favoritos connosco! 👏😊

 

MARATÓN DE LECTURA

 

Anunciamos a celebración da nosa tradicional "MARATÓN DE LECTURA" que desenvolveremos este xoves, 23, Día do Libro, na nosa biblioteca escolar. Xa imos rematando o curso, e a lectura das desventuras do noso "Oliver Twist" servirá de comezo do fin deste ano dedicado ao coñecemento do Obxectivos de Desenvolvemento Sustentable (O.D.S.). Ler fainos libres, tamén no Día do Libro.

A I.A. PRESÉNTANOS UNHA BREVE RESEÑA DE CHARLES DICKENS

         A intelixencia artificial únese á nosa procura de información que nos achegue a Charles Dickens. Deixounos aquí un breve video coa semblanza da vida e ideas do autor escollido neste curso.

A vida de Charles Dickens

Dickens tivo unha vida moi interesante. Aínda que acabou convertíndose nun escritor de moito éxito, a súa nenez foi moi dura, xa que a súa familia viviu na pobreza moitos anos. Conseguiron avanzar cando, coa morte da súa avoa materna, herdaron a fortuna da finada. Deste modo, o pequeno Charles puido comezar ir á escola, aprender e formarse para conseguir unha vida mellor. Nunca, a pesar de que chegou a ser un home rico, esqueceu esta etapa da súa vida. Sempre defendeu ás persoas máis desfavorecidas, nun mundo no que a xente privilexiada vivía completamente de costas a esta realidade. Saberías identificar os datos máis importantes na vida do noso escritor de cabeceira?