Preparación do Aniversario de Rosalía

Os eventos importantes teñen dúas partes principais: a preparación e a celebración. Pensamos que a primeira é a máis emocionante, porque marca o camiño para chegar á segunda! Por iso, imos dedicarlle un capítulo exclusivo. Celebramos o 187º aniversario de Rosalía de Castro!

 

Entroido

O 24 de febreiro celebramos o entroido.

CHIQUITROPA

INFANTIL

1º e  2º  E.P.

3º E.P.

4º E.P.

5º E.P.

6ºA

6º B

Conmemorando a Rosalía

O aniversario de Rosalía é unha data importante no noso calendario, non so por lembrarnos dela, senón senón tamén de todo o que escribiu.

Cada día máis viva en nós, Rosalía falou na nosa biblioteca a través dos seus poemas. Cada un dos que lemos ou escoitamos, celebramos o seu aniversario volvendo a disfrutar das súas palabras.

Este ano coincidiron no tempo a celebración do Día de Rosalía e a do entroido no noso centro, por iso decidimos conmemorar o Día de Rosalía o xoves 23 e festexar o entroido, o venres 24. Para dar remate a este día, o alumnado de 4º,5º, e 6º acompañou con frautas e ritmo de vasos unha escolma poética de Rosalía.

30 de xaneiro, día da Paz

O 30 de xaneiro celebramos o "Día escolar da non violencia e a Paz", conmemorando a morte dun dos maiores defensores da Paz:  Gandhi.
No recuncho da entrada da biblioteca tedes unha selección de libros sobre o tema con mensaxes de tolerancia, amizade, diversidade e respecto. 
Hai lecturas para todas as idades... Desfrutádeas.

Faremos unha serie de actividades para rememorar esta data:

• Arco da vella. Como ben sabedes, as cores do arco da vella son sete: vermello, laranxa, amarelo, verde, azul, índigo e violeta. Sempre aparecen na mesma orde e cada unha ten un significado propio.

Que vos parece se elaboramos un entre todos? 
Cada curso farase cargo dunha cor representada por unha imaxe. É moi sinxelo, prestade atención. 
A cor de infantil será a vermella e representaranna a través de corazóns. Esta cor figura a pasión, o amor e a vida. 
A de 1º e 2º será a amarela que personalizarán con  cariñas felices. Esta cor expresa alegría e felicidade.
A 3º tocoulles a cor verde que caracterizarán a través de árbores. Esta cor manifesta esperanza, paz, saúde, vitalidade; por outro lado simboliza natureza, crecemento, renovación e plenitude. 
Os de 4º farán nubes xa que a súa cor é  azul. Esta cor representa a tranquilidade, a calma, harmonía e paz espiritual. 
Chega a quenda de 5º coa cor laranxa simbolizada con flores. Esta cor axuda a transmitir enerxía positiva polo que significa prosperidade, vitalidade, entusiasmo e alegría. 
A 6ºA tocoulles a cor violeta que representarán a través do símbolo contra a violencia de xénero. É unha cor ligada ao mundo espiritual e máxico. Proporciona a purificación do corpo e a mente; é tamén unha cor que se conecta coa paz e a búsqueda do equilibrio interior. E finalmente, 6ºB fará uns bonecos formando unha cadea humana utilizando a cor índigo. Cor que comunica sinceridade e respecto; tamén simboliza fantasía e soños.

• Canción "Somos a Paz".  A mestra de música fixo unha versión en galego con ritmo corporal da canción "Somos la Paz" de Unai Quirós. Cantarémola o luns, 30 de xaneiro. 

• Creación dun mural a partir desta frase. 

Está exposta diante da porta de biblioteca. Á dereita do mural hai unha mesiña con material diverso para escribir e debuxar. Pódese facer directamente sobre o mural ou sobre papel. Se vos decantades por esta segunda opción, cando teñades o traballo feito, podedes pegalo no mural.
O primeiro que tedes  que facer é buscar información para investigar quen é o autor da frase. 
En canto o saibades escribide o seu nome no mural.
A partir de aí pódense facer debuxos do autor, frases, reflexións... o que queirades. O límite pono a vosa imaxinación. 
Grazas pola vosa participación.

Festival Nadal 2016

A orquestra do colexio fai sempre dous concertos ao longo do curso escolar. Un na festa de Nadal e o outro polas Letras Galegas.

Neste primeiro concerto interpretan unha muiñeira a dúas voces. Na introdución e remate da obra, o alumnado de infantil deléitannos cunha panxoliña: "Campanitas del lugar". 

Desexamos que vos guste!

Celebración Samaín-Magosto

Un curso máis, coa chegada do outono, celebramos a festa do Samaín - Magosto. Houbo moitas actividades: contos de medo, concurso de cabazas, xogos, castañada, ambientación da biblioteca... 

A nosa biblioteca convertiuse nun lugar terrorífico e ao mesmo tempo acolledor, onde desfrutamos de arrepiantes historias inventadas e contadas polo alumnado de 6º A e 6º B. A verdade é que o pasamos de medo... 

Contamos... Aquí tedes os contos de terror enxeñados e ilustrados polo alumnado de 6º A ("De excursión polo monte") e 6º B ( "O misterioso e aterrador día de Samaín"). 

O Misterioso E Aterrador Día De Samaín (1)

Leer más publicaciones en Calaméo

Recitamos...  


                                                                                                                                                 

E cantamos...