Onte asistimos á presentación da web da "Fundación Gonzalo López Abente". É un paso importante para difundir a figura e a obra do poeta de Muxía. Esta web nace, según explicaron os seus creadores e os membros da fundación, con vocación de medrar e acoller a todos os que queiran enriquecela, e nese traballo tamén estamos comprometidos nós, como educadores. Podedes ver que inclúe un adianto da unidade didáctica proxectada para secundaria. Agardamos ter un anaquiño para nós, os peques de Muxía e de toda Galicia, que nos facilite achegarnos a López Abente.
Queda desde hoxe enlazada no noso blog.
