Cando comezamos o proceso de escoller libros para compartir cos nosos afillados e afilladas temos dúbidas sobre as súas preferencias. Sabemos que o importante é gozar da lectura xuntos. Que tipo de libros debemos escoller? Aquí deixamos algúns consellos que poden servir de axuda.
Hoxe retomaremos a actividade do Obradoiro das Familias, que tantas satisfaccións trouxo en edicións anteriores.
O 24 de outubro celebramos o "Día da Biblioteca". Para nós esta celebración foi especial, porque re-inauguramos este espazo como "BIBLIOTECA LÍA_3". Aproveitamos para reflexionar sobre a necesidade de ter unha boa educación, que sería imposible conseguir sin a nosa biblioteca. Que faríamos nós sen ela?
Hoxe foi un día moi especial no Niño da Curuxa. Rematamos as reformas dentro do espazo da biblioteca e puidemos recibir a representantes da Consellería, das familias a través da ANPA, dos mestres e mestras da escola e dos libreiros, representados por Dimas Búa, o libreiro de "Arroutada". Desafortunadamente, por problemas de axenda, non puido estar presente a Directora Xeral de Ordenación e Innovación educativa, as representantes da "Librería Ler" ou Mirian Carril, responsable da Biblioteca Municipal. Sabemos que, en canto poidan, van vir visitarnos tamén.
Os dez voluntarios e voluntarias do noso cole foron os guías da visita, e explicaron aos asistentes como funciona cada un dos espazos da biblioteca. Foi unha mañá moi agradable na que todos e todas estabamos felices polo traballo realizado. Que mais se pode pedir?
Desde 1997 a Asociación Española de Amigos do Libro Infantil e Xuvenil promove a celebración do Día da Biblioteca, en conmemoración do incendio da Biblioteca de Saraxevo durante a Guerra dos Balcáns, en 1992. Despois deste brutal ataque, o médico e historiador croata Mirko D. Grmek acuñou o termo memoricidio para definir a destrución da memoria e o tesouro cultural do “outro”, do adversario, do inimigo. (1)
"Nun contexto onde a información evoluciona rapidamente e as novas tecnoloxías conlevan oportunidades e desafíos, o rol da biblioteca escolar na colaboración activa para fomentar a alfabetización, o pensamento crítico, a creatividade e a cidadanía global a través dunha educación inclusiva e equitativa é máis importante que nunca". (2)
Mañá, 24 de outubro, celebraremos un Día da Biblioteca especial. Imos darlle o toque final á nosa reforma, que nos leva ocupando os últimos 4 anos, e recibiremos nela a persoas que estiveron acompañándonos no proceso, desde a Administración Local ata a a Administración Autonómica.
Para que todos participemos dun xeito ou doutro, propuxemos que pensásedes nunha situación nova: "Que pasaría se non tivésemos a biblioteca?"
Agardamos polas vosas respostas, que van ser expostas tamén no interior da biblioteca.
(1): https://www.biblogtecarios.es/luciadominguez/24-de-octubre-dia-de-la-biblioteca/
(2): https://www.edu.xunta.gal/biblioteca/blog/?q=node/1843
