A maratón de lectura: "Robinson Crusoe"

Durante a xornada de hoxe todos puidemos disfrutar, lendo ou escoitando, a historia do náufrago Robinson Crusoe,que aprendeu a aproveitar todo o que a natureza lle ofrecía para sobrevivir nunha illa durante 30 anos.

 Agardando a reportaxe completa, deixamos unha mostra do paso dos nosos lectores e ouvintes pola maratón. Grazas a todas e a todos por participar nesta festa da lectura! 

 Esta semana imos celebrar o Día do Libro. Aproveitaremos para achegarnos a un clásico da literatura: "Robinson Crusoe". O seu autor chamábase Daniel Defoe. Que sabemos sobre el? Cando naceu? Quen eran os seus pais? En que traballaba? Que cousas lle gustaba facer? Fíxose rico escribindo este libro? Escribiu algún libro mais? 

Aproveitaremos para investigar sobre a súa vida e a súa obra. Preparádevos para descubrir unha personalidade especial. 

MARZO, MES DA POESÍA: ACHEGÁNDONOS A MANUEL MARÍA

 

Manuel María foi un poeta da Terra Chá. Pola súa relación co mundo rural e por ter "os pés na terra" imos dedicarnos a coñecelo mellor durante este mes de marzo.

O ANIVERSARIO DE ROSALÍA

 Imos achegarnos ao día sinalado do aniversario da nosa poeta mais querida: Rosalía de Castro. Temos convidada no noso blog a Prado Rúa, unha coñecida youtubeira que nos vai lembrar a vida e andainas de Rosalía a través dun fermoso conto. Oídos ben activados, e cerebro en marcha!

E por se queredes comprobar se aprendestes os datos máis importantes, deixamos aquí un pequeno test de comprobación.

O DÍA DA PAZ E MAHATMA GANDHI

 Hoxe, 30 de Xaneiro, en todas as escolas vaise celebrar o "Día Internacional pola Paz e a Non Violencia". Desgrazadamente, este día foi escollido porque hai moitos anos, outro 30 de xaneiro, foi asesinado Gandhi, un dos homes que máis fixeron pola paz. Na súa lembranza, e seguindo o seu exemplo, traballamos este día e todo o resto do ano pola solución pacífica dos conflitos. Que sabes ti de Gandhi? Se che interesa, temos aquí dúas propostas. 

 

 Aquí vas ver un resumo da súa vida e das súas

 accións.

25 N , PARA QUE?

Patria, Minerva e María Teresa Mirabal eran tres irmás dominicanas, líderes dun movemento de loita contra o dictador Leónidas Trujillo. O 25 de novembro de 1960 este dirixente ordenou o seu brutal asasinato, cando regresaban da habitual visita aos seus esposos presos por motivos políticos. 

En 1979 a ONU aprobou a "Convención sobre a eliminación de todas as formas de discriminación contra a muller". Desde o ano 2000 a ONU sinalou o 25 de Novembro como o "Día Internacional para a eliminación da violencia contra a muller", convidando aos gobernos, organizacións internacionais e ONGs a tomar accións para que as mulleres non fosen discriminadas en modo algún por causa do seu xénero. 

Hoxe en día estamos aínda lonxe de que se cumpra este obxectivo. As mulleres siguen sobrevivindo a limitacións na súa educación (non se lles permite ir á escola ou a formarse na universidade), a súa saúde (non se lles permite ser examinadas por persoal sanitario para ser curadas), a tomar decisións sobre a súa vida (hai nenas que son obrigadas a casarse).

Para que poidamos reflexionar sobre esta cuestión deixamos aquí esta experiencia:

"Cambiamos o conto": o conto de "Carapuchiña", visto doutra forma.

REINICIANDO...

O pasado martes retomamos a actividade na biblioteca, despois de visitar por quendas o espazo, e lembrar como utilizar cada recuncho e cada un dos materiais e ferramentas das que dispoñemos. Coidamos da nosa biblioteca, cada día máis grande, cada día máis viva.