25 N , PARA QUE?

Patria, Minerva e María Teresa Mirabal eran tres irmás dominicanas, líderes dun movemento de loita contra o dictador Leónidas Trujillo. O 25 de novembro de 1960 este dirixente ordenou o seu brutal asasinato, cando regresaban da habitual visita aos seus esposos presos por motivos políticos. 

En 1979 a ONU aprobou a "Convención sobre a eliminación de todas as formas de discriminación contra a muller". Desde o ano 2000 a ONU sinalou o 25 de Novembro como o "Día Internacional para a eliminación da violencia contra a muller", convidando aos gobernos, organizacións internacionais e ONGs a tomar accións para que as mulleres non fosen discriminadas en modo algún por causa do seu xénero. 

Hoxe en día estamos aínda lonxe de que se cumpra este obxectivo. As mulleres siguen sobrevivindo a limitacións na súa educación (non se lles permite ir á escola ou a formarse na universidade), a súa saúde (non se lles permite ser examinadas por persoal sanitario para ser curadas), a tomar decisións sobre a súa vida (hai nenas que son obrigadas a casarse).

Para que poidamos reflexionar sobre esta cuestión deixamos aquí esta experiencia:

"Cambiamos o conto": o conto de "Carapuchiña", visto doutra forma.

REINICIANDO...

O pasado martes retomamos a actividade na biblioteca, despois de visitar por quendas o espazo, e lembrar como utilizar cada recuncho e cada un dos materiais e ferramentas das que dispoñemos. Coidamos da nosa biblioteca, cada día máis grande, cada día máis viva. 

Educación afectivo-sexual

 Dentro do programa "Lectura e familias" liderado pola biblioteca, celebramos onte un encontro con Laura Peteiro, matrona no Centro de Saúde de Muxía e no de Dumbría. Un 42% das respostas recibidas no cuestionario solicitaban información sobre este tema. 

Laura falounos das diversas etapas que a nosa sexualidade desenvolve durante a vida. Centrouse especialmente no tratamento da sexualidade na infancia e na adolescencia, ofrecendo claves para mellorar o diálogo dentro da familia. Aportou tamén unha variada bibliografía que incluiremos na nosa biblioteca escolar. 

Modesto Fraga fálanos de Luísa Villalta

Luísa Villalta era unha poeta comprometida, e sempre disposta a colaborar en causas que ela consideraba xustas. Así foi hai anos como a coñeceu Modesto Fraga, poeta pertencente ao Batallón Literario da Costa da Morte, que compartiu con ela una tarde de recital poético, sen saber que lle quedaban poucos días de vida. Agradecemos que Modesto nos falara dela, da súa forma de ser, da súa forma de contar. Achegámonos máis aínda a Luísa Villalta. 

ACHÉGASE O VERÁN

 Agora que empeza o bo tempo, temos moitas gañas de ler tomando o sol, sentados na herba ou sobre unha toalla na praia. Se queremos viaxar se gastar un céntimo, non hai mellor opción que a dun libro. 

Uso das tecnoloxías

 Onte, mércores, 16 de maio, contamos coa presenza de Beatriz Pérez García, formadora en Tecnoloxías do C.P.I. de A Baña, que veu falarnos do bo uso das tecnoloxías. Durante o seu relatorio, falounos das posibilidades que as tecnoloxías ofrecen na actualidade, e advertiunos do mal uso que se pode facer delas. 

Ofreceu diversos recursos para poder controlar o uso que fan os nosos fillos das tablets, móbiles ou consolas, xa que, por falta de experiencia ou coñecementos, poden verse afectados polo seu uso incorrecto. Dispoñemos así dunha GUÍA DE CONTROIS PARENTAIS e un folleto sobre MEDIACIÓN E FERRAMENTAS DE CONTROL PARENTAL.

LUÍSA VILLALTA E A SÚA OBRA

 Neste mes a nosa protagonista é Luísa Villalta. Foi unha muller valente, con moita sensibilidade, amante da música e da poesia, narradora, dramaturga, ensaísta. As súas ganas de aprender e de comunicar non parecían ter fin. Luísa sigue viva nos andeis do noso Niño.