HOXE É O NOSO DÍA, O DÍA DA BIBLIOTECA

 Hoxe foi un día moi especial no Niño da Curuxa. Rematamos as reformas dentro do espazo da biblioteca e puidemos recibir a representantes da Consellería, das familias a través da ANPA, dos mestres e mestras da escola e dos libreiros, representados por Dimas Búa, o libreiro de "Arroutada".  Desafortunadamente, por problemas de axenda, non puido estar presente a Directora Xeral de Ordenación e Innovación educativa, as representantes da "Librería Ler" ou Mirian Carril, responsable da Biblioteca Municipal. Sabemos que, en canto poidan, van vir visitarnos tamén. 

Os dez voluntarios e voluntarias do noso cole foron os guías da visita, e explicaron aos asistentes como funciona cada un dos espazos da biblioteca. Foi unha mañá moi agradable na que todos e todas estabamos felices polo traballo realizado. Que mais se pode pedir?

Grazas a todos e a todas os que viñestes a compartir este día con nós. E grazas moi especiais ao noso equipo de Voluntariado polo seu excelente traballo.